"O‘zbek tili bo‘yicha eng yaxshi videodars" tanlovi
Ona tili va adabiyot va o'zbek tili o'qituvchilari o'zbek tilini o'qitish bo'yicha ijodiy videodars tayyorlashlari va bazaviy hisoblash miqdorining 50 baraviragacha bo'lgan mukofotni qo'lga kiritishlari mumkin
- 1952
- 0
- Oʻzbek tili
- Bepul
Tashkilotchi: Davlat tilini rivojlantirish departamenti hamda O‘zbekiston Respublikasi Xalq taʼlimi vazirligi
Oxirgi muddat: 2020-yil 20-sentabrgacha
Baholash muddati: 2020-yil 10-oktabrgacha
Onlayn ovoz berish: 2020-yil 15-oktabrgacha
G'oliblarni e'lon qilish: 2020-yil 20-oktabrgacha
Tanlov maqsad va vazifalari:
- Xalq taʼlimi tizimidagi umumiy o‘rta taʼlim muassasalarida faoliyat olib borayotgan o‘qituvchilarning ona tili (o‘zbek tili) o‘qitish metodikasini takomillashtirish va ommalashtirishga qaratilgan ijodiy ishlarini qo‘llab-quvvatlash;
- O‘zbekistonda o‘zbek tilini ona tili va davlat tili sifatida o‘qitilishi bo‘yicha ilg‘or pedagogik faoliyatni keng targ‘ib etish va o‘zbek tilining davlat tili sifatidagi nufuzini oshirish;
- umumiy o‘rta taʼlim muassasalarida ona tili (o‘zbek tili)ni o‘qitish metodikasini takomillashtirish;
- o‘qituvchilarning ona tiliga eʼtiborini kengaytirish; ularda vatanparvarlik, ijtimoiy faollik va millat taqdiriga daxldorlik, raqobat, ijodkorlik tuyg‘ularini takomillashtirish;
- o‘qituvchilarning ijodiy salohiyatini yuzaga chiqarish va rivojlantirish, ularning davlat tilini targ‘ib qiluvchi ijodiy ishlarini rag‘batlantirish va ommalashtirish.
Tanlovga quyidagi yo‘nalishlar bo‘yicha ijodiy ishlar qabul qilinadi:
- Ona tili fanidan
- O‘zbek tili fanidan
Tanlov uchun tayyorlangan videodars va uning taqdimoti elektron shaklda O‘zbekiston Respublikasi Xalq taʼlimi vazirligining @videodars_newbot Telegram boti orqali qabul qilinadi.
Tanlovning ikki yo‘nalishi bo‘yicha 1-, 2-, 3-o‘rin sohiblari quyidagi miqdorda pul mukofotlari bilan taqdirlanadilar:
- 1- o‘ringa bazaviy hisoblash miqdorining 50 barobarida;
- 2-o‘ringa bazaviy hisoblash miqdorining 35 barobarida;
- 3-o‘ringa bazaviy hisoblash miqdorining 25 barobarida.
Qo'shimcha ma'lumotlar bilan tanlov nizomida tanishish mumkin.
Kategoriya
TanlovYoʻnalishlar
© Oʻzbekiston va xorijdagi tadbirlar, tanlovlar, tadbirkorlar mahorat darslari va yoshlar forumlari
Email: info@effort.uz